మెగాస్టార్ వీణ స్టెప్ ఎంత ఫేమస్సో తెలిసిందే. ‘ఇంద్ర’ సినిమాలో ‘దాయి దాయి దామ్మ…’ సాంగ్ లో చిరు వేసిన వీణ స్టెప్ అదిరిపోయింది. లారెన్స్ కంపోజ్ చేసిన ఈ వీణ స్టెప్ ని ఇప్పటివరకూ మరే స్పెషల్ స్టెప్ బీట్ చేయలేకపోయింది. కాకపోతే.. చిరంజీవి వేసిన వీణ స్టెప్ ను సునీల్ తన సినిమాలో, వివిధ స్టేజ్ షోలపై వేసి అలరించారు. ఈ సమ్మర్ లో ప్రేక్షకుల ముందుకొచ్చిన సర్థార్ – గబ్బర్ సింగ్ లో పవర్ స్టార్ పవన్ కళ్యాణ్ వీణ స్టెప్ ని వేసి మెగా అభిమానులని అలరించారు.
అయితే, చిరంజీవి 150వ చిత్రం గురించి ఇప్పుడు ఓ ఇంట్రస్టింగ్ న్యూస్ చక్కర్లు కొడుతోంది. అదేమిటో తెలుసా…? సునీల్ ఈ సినిమాలో చిరంజీవితో కలిసి వీణ స్టెప్ వేయబోతున్నాడట. మరికొందరు మాత్రం మెగాస్టార్ తో సునీల్, మెగా యంగ్ హీరోలందరు ఈ స్టెప్ వేసేందుకు దర్శకుడు వినాయక్ ప్లాన్ చేశాడట. అంతేకాదు.. పవర్ స్టార్ పవన్ కళ్యాణ్ కూడా ఈ స్టెప్ లో జాయిన్ అవ్వనున్నట్టు సమాచారమ్. ఈ స్టెప్ ని లారెన్స్ దగ్గరుండి మరి వేయించనున్నాడట. ముందు వరుసలో మెగాస్టార్ చిరంజీవి.. అటు వైపు నాగబాబు, ఇటు వైపు పవన్ కళ్యాణ్. వెనకాల మెగా హీరోల యంగ్ బ్యాచ్ వీణ్ స్టెప్ వేయనున్నట్టు చెప్పుకొంటున్నారు. ఇదే నిజమైతే.. మెగా అభిమానులకి పండగే.
వివి వినాయక్ దర్శకత్వంలో తెరకెక్కుతోన్న చిరు150వ చిత్రంలో చిరు సరసన కాజల్ జతకట్టనుంది. ఈ చిత్రానికి సంగీతం దేవీ శ్రీ ప్రసాద్. రాంచరణ్ నిర్మాత. అన్నట్టు.. వచ్చే యేడాది సంక్రాంతి కానుకగా చిరు 150 ప్రేక్షకుల ముందుకు రానుంది.
No comments:
Post a Comment